我的感謝！！！

我的感謝！！！
今次返去玩得最耐嘅一次
有好多人要感謝，我知我遲咗好耐，我應該係一返來或感恩節寫哩篇嘢先岩，冇辦法一返過幾日都開學，感恩節之後先整返好我部腦，之後又要考試
感謝人物不分先後
感謝兩位舅母啦，咁夜機都來接我同家姐，細舅母第二日要返工都來接，仲要住咗細舅母嗰度，霸埋表弟間房，要佢做聽長
感謝兩位表妹啦，返工都要陪我哋行街，感激青蘋果表妹只腳受傷都陪我哋行幾個鍾，細表妹到我臨走最後一日都幫我買齊啲嘢
感謝臺灣之旅幫過我哋嘅人，因爲太過多人啦，甚至有啲叫乜名都唔知
感謝我最愛的哥哥啦，接送我哋，包吃，包住，包買嘢，有時包拎添
感謝頓慈啊姨（棠姨)每次返去嘅照顧，我病又照顧得我好好，煮好好味嘅嘢食俾我哋吃，吃到我哋肥嘟嘟咁走啦，陪行街，幫我買好多嘢，好掛佢煮嘅魚皮餃湯啊，同送我機
感謝八哥同八嫂（may姐）陪行街同吃飯，May姐仲幫講價同揾衫，有買到好多平嘢，滿載而歸，八哥仲煮好多嘢吃
感謝台山金濤老闆請吃，請玩
感謝傻婆同佢廣州啊叔，包接，包吃，包住，包玩
感謝緒姨，大住個肚都摘咁多“花冧”俾我哋吃
感謝啊婆（八哥，緒姨，棠姨嘅媽媽）煮咗好多我中意吃台山菜俾我吃，實現咗我好多個願望。下次返去請返你飲可樂
感謝萍姐幫咗啊哥搞個證，啊哥先可以送我機
感謝我嘅HONEY wingwing,十幾年嘅同學同朋友只有一日假期都陪我係廣州玩
感謝啊哥同八哥嘅師傅，請我哋去沙灘玩
感謝好姐帶我遊夜晚嘅新會，吃到好好味海鮮，我咁第個女第一次去新會，包住，好開心最後幾日識到佢
感謝哩兩位人送我機
感謝青蘋果表妹咁多年幫我買嘢同寄嘅出來
感謝所以人令我嘅瘋狂之旅畫上完美句號，雖然有好多朋友都未有時間見面同吃飯，希望下次有機會
下次我返又要麻煩咁多位啦！！